பீஹார் மாநிலத்தைச் சேர்ந்தவர் கிருஷ்ணா,26. புதுடில்லி அருகே நொய்டாவில் உள்ள தொழிற்சாலையில் வேலை செய்கிறார்.

அதே தொழிற்சாலையில் உத்தரப் பிரதேச மாநிலம் அம்ரோஹாவைச் சேர்ந்த சோனு,25, என்ற பெண்ணும் வேலை செய்தார். அப்போது, இருவரும் நெருங்கிப் பழகினர். இருவரும் திருமணம் செய்து கொள்ளலாம் என கிருஷ்ணா கூறியதை சோனு ஏற்றுக் கொள்ள வில்லை. மேலும், தொழிற்சாலையில் இருந்து விலகிய சோனு தற்போது வீட்டு வேலை செய்து வருகிறார்.

இந்நிலையில், நேற்று முன் தினம் இரவு சோனு தங்கியிருந்த விடுதிக்கு கிருஷ்ணா வந்தார். திருமணம் குறித்து பேசியபோது இருவருக்கும் இடையே கடும் வாக்குவாதம் ஏற்பட்டது. ஆத்திரம் அடைந்த கிருஷ்ணா, துப்பாக்கியால் சோனுவை சுட்டு விட்டு தப்பினார்.

தகவல் அறிந்து வந்த போலீசார், சோனு உடலை மீட்டு அரசு மருத்துவமனைக்கு அனுப்பினர். இதுகுறித்து வழக்குப் பதிவு செய்து, கிருஷ்ணாவை தேடுகின்றனர்.