புதுடில்லி: வர்த்தகத்திற்கு வெளிப்படைத்தன்மையும், நம்பிக்கையும் மிகவும் அவசியம் என்று வர்த்தகத்துறை அமைச்சர் பியூஷ் கோயல் தெரிவித்துள்ளார். மும்பையில் வர்த்தக நிறுவனத்தின் புதிய கட்டடத்தை மத்திய வர்த்தகத் துறை அமைச்சர் பியூஷ் கோயல் மற்றும் இணைச் செயலாளர் விமல் ஆனந்த் ஆகியோர் திறந்து வைத்தனர்.நிகழ்ச்சியில் அமைச்சர் பியூஷ் கோயல் கூறியதாவது; சுங்க வர்த்தக வசதி மையத்தைப் போல, இந்தப் புதிய கட்டடமும் இந்தியாவின் ஏற்றுமதி வளர்ச்சியை பிரதிநிதித்துவப்படுத்துகிறது. இந்த நவீன உள்கட்டமைப்பு, வர்த்தகம் செய்யும் முறையை மேம்படுத்தி, நாட்டின் சுயசார்பு திட்டத்திற்கு வலு சேர்க்கும். புதிய வாய்ப்புகளைப் பயன்படுத்திக் கொள்ள வேண்டும். இந்தியாவின் வளர்ந்து வரும் ஏற்றுமதி சேவையில் முக்கிய பங்காற்ற வேண்டும்.