பிளவை ஊக்குவிக்கும்! மத்திய உள்துறை அமைச்சர் அமித் ஷா பிறக்கும்முன், நான் எம்.எல்.ஏ.,வாக இருந்தேன். சுதந்திரத்திற்காகப் போராடியது நாங்கள் தான். இதில், பா.ஜ., ஆர்.எஸ்.எஸ்., பங்களிப்பு என்ன? எங்களுக்கு தேசபக்தியை கற்றுக்கொடுக்காதீர். ஒற்றுமைக்குப் பதில், பிளவை ஊக்குவித்து நாட்டிற்கு பா.ஜ., சேதம் விளைவிக்கிறது. மல்லிகார்ஜுன கார்கே தேசிய தலைவர், காங்கிரஸ்

ஏகபோக உரிமை! காங்கிரஸ் தலைவர்கள், ‘வந்தே மாதரம்’ பாடலை தொடர்ந்து மதிக்காமல் செயல்படுகின்றனர். இதுபோன்ற தேசிய நலன் சார்ந்த விவகாரங்களில் ஓட்டு வங்கி அரசியலோடு மோதும்போது, தன் கொள்கைகளில் இருந்து அக்கட்சி பின்வாங்குகிறது; எனவே, சுதந்திர போராட்டத்திற்கான ஏகபோக உரிமை கோருவதை காங்., நிறுத்த வேண்டும். ரவி சங்கர் பிரசாத் முன்னாள் மத்திய அமைச்சர், பா.ஜ.,