சண்டிகர்:பஞ்சாப் மாநிலத்தில் கிராம பஞ்சாயத்துகளுக்கு வரும் 15-ம் தேதி தேர்தல் நடக்கிறது. இந்நிலையில், குர்தாஸ்பூர் மாவட்டம் ஹர்டோவல் கலான் கிராமத்தில் பஞ்சாயத்து தலைவர் பதவி நேற்று ஏலம் விடப்பட்டது. ஆரம்ப கட்டமாக 50 லட்சம் ரூபாயில் துவங்கியது. இறுதியில் 2 கோடி ரூபாய்க்கு ஏலம் இறுதி செய்யப்பட்டது. அதேநேரத்தில், கிராம மக்களின் இந்த முடிவுக்கு அனைத்து அரசியல் கட்சிகளும் கடும் கண்டனம் தெரிவித்துள்ளன. ஆனால், ஏலத்தொகை கிராம வளர்ச்சிக்கு செலவிடப்படும் என மக்கள் கூறுகின்றனர்.