டில்லியில் சர்தார் வல்லபாய் படேல் பிறந்த நாளை முன்னிட்டு நடந்த நிகழ்ச்சியில் அஜித் தோவல் பேசியதாவது: சர்தார் வல்லபாய் படேல் பற்றிய 6வது சொற் பொழிவை நிகழ்த்த எனக்கு இந்த வாய்ப்பை வழங்கியதற்காக நான் அவருக்கு மிகவும் நன்றியுள்ளவனாக இருக்கிறேன். 150வது ஆண்டு நிறைவு, மிகவும் சிறப்பு வாய்ந்தது.

ஆட்சி மாற்றம்

வங்கதேசம், இலங்கை, நேபாளத்தில் சமீபத்தில் ஏற்பட்ட ஆட்சி மாற்றங்கள் மோசமான நிர்வாகத்தின் சான்றாகும். பொருளாதார தோல்விகள், உணவு, தண்ணீர் பற்றாக்குறை, பணவீக்கம், அடக்குமுறை வரிகள் மற்றும் சமூக நலன்கள் ஆகியவை ஆட்சி மாற்றத்திற்கு காரணமாகின்றன. மக்களின் அடிப்படைத் தேவைகள் மற்றும் பாதுகாப்பிலிருந்து நிர்வாகம் தொடங்க வேண்டும். மக்களுக்கு பாதுகாப்பு உணர்வு வழங்கப்பட வேண்டும். அதுதான் ஒரு அரசின் முதல் பொறுப்பு.

உத்வேகம்

உலகின் சவால்களுக்கு ஏற்ப, சர்தார் வல்லபாய் படேலின் தேசத்தைக் கட்டியெழுப்பும் நெறிமுறைகளிலிருந்து இந்தியா உத்வேகம் பெற வேண்டும். படேல் தனது வாழ்நாள் முழுவதும் தேச வளர்ச்சிக்காக உழைத்தது போல் நாம் நம்மை தயார்படுத்திக் கொள்ள வேண்டும்.

பெண்களுக்கு அதிகாரம்

செயற்கை நுண்ணறிவு (ஏஐ) போர்கள் நடத்தப்படும் விதத்தை மாற்றும். இது ஆபத்தை ஏற்படுத்த வாய்ப்பு உள்ளது. நாட்டில் பயங்கரவாதம் திறம்பட முறியடிக்கப்பட்டு உள்ளது. சைபர் அச்சுறுத்தல்களிலிருந்து மக்களை நாம் பாதுகாக்க வேண்டும். பெண்களுக்கு அதிகாரமளித்தல் என்பது வெறும் சமூக இலக்கு மட்டுமல்ல, நிர்வாகத்தின் கட்டாயமும் ஆகும். நல்ல நிர்வாகத்திற்கு பெண்களுக்கு அதிகாரம் அளிப்பது அவசியம்.

வலிமை

மணிப்பூர் நெருக்கடியை ஒரு கிளர்ச்சியாகப் பார்க்கக்கூடாது. பேச்சுவார்த்தை வாயிலாக தீர்வு காணப்பட வேண்டும். உள் மற்றும் வெளிப்புற அச்சுறுத்தல்களை நாம் எதிர் கொள்ளும் போது, தக்க பதிலடி கொடுக்க முடியும் என்பதைக் காட்ட நாம் வலிமையைக் காட்ட வேண்டும். இவ்வாறு அஜித் தோவல் பேசினார்.