வர்த்தக மையம் குறித்து ரஷ்ய துாதரக அதிகாரிகள் கூறியதாவது:

இந்த மையத்தைத் திறப்பதன் முக்கிய நோக்கம், இருநாடுகளுக்கிடையே வணிக உறவுகளை மேம்படுத்த, ஏற்றுமதி ஒத்துழைப்பை ஊக்குவிக்க மற்றும் வர்த்தக சமூகங்களுக்கிடையில் தொடர்புகொள்வதற்கான தளத்தை வழங்குவதாகும்.

இந்த மையமானது நிகழ்வுகள், பிராந்திய வணிகப் பணிகள், மன்றங்கள், கருத்தரங்குகள் மற்றும் மாநாடு நடத்த பயன்படுத்தப்படும்.

அதே சமயம், பல்வேறு சிக்கல்களில் பகுப்பாய்வு ஆதரவு மற்றும் ஆலோசனைகளை மையத்தின் வல்லுநர்கள் வழங்குவார்கள்.

துவக்க விழாவில் இந்தியாவுக்கான ரஷ்ய தூதர் டெனிஸ் அலிபோவ் மற்றும் மாஸ்கோ நகரத்தின் சர்வதேச உறவுகள் துறை தலைவருமான செர்ஜி செரெமின் ஆகியோர் கலந்து கொள்கின்றனர்.

உத்தியோகபூர்வ பயணமாக, இந்தியா வந்துள்ள துணைப் பிரதமர் டெனிஸ் மந்துரோவ், மும்பையில் இன்று நடைபெற்ற ரஷ்ய- இந்திய வர்த்தக மன்றத்தின் முழுமையான அமர்வில் கலந்து கொண்டார்.

இந்தியாவிற்கும் ரஷ்யாவிற்கும் இடையிலான இருதரப்பு உறவு 75 ஆண்டுகளுக்கும் மேலாக வலுவாகவும், நிலையானதாகவும் உள்ளது. பாரம்பரியமாக ராணுவம், அணுசக்தி மற்றும் விண்வெளி ஒத்துழைப்பில் கவனம் செலுத்தும் அதே வேளையில், சமீபத்திய ஆண்டுகளில் வேறு சில துறைகளிலும் நட்புறவு விரிவடைந்துள்ளது.

கடந்த இரண்டு ஆண்டுகளில், இருதரப்பு வர்த்தகம் உயர்ந்துள்ளதால், 2025ல் நிர்ணயிக்கப்பட்ட 30 பில்லியன் அமெரிக்க டாலர் இலக்கை தாண்டும் என கணிக்கப்பட்டுள்ளது

கூடுதலாக, இரு நாடுகளும் ரஷ்ய தூர கிழக்கை அபிவிருத்தி செய்வதிலும், ஆர்க்டிக் பிராந்தியத்தில் ஆராய்ச்சி, தளவாடங்கள் மற்றும் பயிற்சியை முன்னேற்றுவதிலும் ஒத்துழைப்பதில் கவனம் செலுத்துகின்றன.