கடந்த ஜூன் 26ம் தேதி உடல்நலக் குறைவு ஏற்பட்டதை அடுத்து, டில்லியில் உள்ள எய்ம்ஸ் மருத்துவமனையில் அத்வானி அனுமதிக்கப்பட்டார். அவருக்கு சிறுநீரகவியல் மருத்துவத் துறையைச் சேர்ந்த நிபுணர்கள் சிகிச்சை அளித்தனர். உடல்நலம் தேறிய அவர், இரு நாட்களுக்கு பிறகு வீடு திரும்பினார்.

இந்நிலையில், அத்வானிக்கு நேற்றிரவு (ஜூலை 03) மீண்டும் உடல்நலக் குறைவு ஏற்பட்டது. அவர் டில்லி அப்பல்லோ மருத்துவமனையின் அவசர சிகிச்சை பிரிவில் அனுமதிக்கப்பட்டார்.

உடல்நலம் தேறிய அவர், இன்று (ஜூலை 04) மாலை 5 மணிக்கு 'டிஸ்சார்ஜ்' ஆகி வீடு திரும்பினார். அவர் நலமுடன் இருப்பதாக மருத்துவமனை நிர்வாகம் தெரிவித்துள்ளது.