ஐ.என்.எஸ்., எனப்படும், இந்திய செய்தித்தாள் சொசைட்டியில், தேசிய அளவில் 800 பத்திரிகைகள் உறுப்பினர்களாக அங்கம் வகிக்கின்றன. இந்த சொசைட்டியின் 85வது ஆண்டு பொதுக்கூட்டம், நேற்று வீடியோ கான்பரன்ஸ் வாயிலாக நடந்தது.

இக்கூட்டத்தில், 2024 --25ம் ஆண்டுக்கான தலைவராக 'மாத்ருபூமி' நாளிதழின் நிர்வாக இயக்குனர் எம்.வி.ஷ்ரேயாம்ஸ் குமார் தேர்வு செய்யப்பட்டார்.

துணைத் தலைவராக, 'சன்மார்க்' ஹிந்தி நாளிதழின் விவேக் குப்தா; உதவித் தலைவராக லோக்மாத் நாளிதழின் கரண் ராஜேந்திர தர்தா, கவுரவப் பொருளாளராக, 'அமர் உஜாலா' நாளிதழின் தன்மய் மகேஸ்வரி, பொதுச்செயலராக மேரிபால் தேர்வு செய்யப்பட்டனர்.

இந்த சொசைட்டியின், 41 பேர் அடங்கிய செயற்குழுவில், பாலசுப்ரமணியன் ஆதித்யன் - குழுமத் தலைவர், தினத்தந்தி; டாக்டர் ஆர்.லட்சுமிபதி -- இணை நிர்வாக ஆசிரியர், தினமலர் நாளிதழ்; இல. ஆதிமூலம் - - ஆசிரியர்,ஹெல்த் அண்டு தி ஆன்டிசெப்டிக்; ஆர்.எம்.ஆர்., ரமேஷ் - ஆசிரியர், தினகரன்; வெங்கட் - இயக்குனர், ஈநாடு உள்ளிட்டோர் இடம் பெற்றுள்ளனர்.