டில்லி பல்கலையின் கீழ் உள்ள, 69 கல்லூரிகளில் 79 இளங்கலை பட்டப் படிப்புகளில், 71,624 இடங்கள் உள்ளன. விண்ணப்பங்கள் பரிசீலனை முடிந்த நிலையில், தேர்வு செய்யப்பட்டுள்ள மாணவ - மாணவியர் பட்டியல் நேற்று மாலை. 5:00 மணிக்கு வெளியிடபட்டது.

இந்த சேர்க்கையை விண்ணப்பதாரர்கள் வரும் 21ம் தேதி மாலை 4:59 மணிக்குள் உறுதி செய்து கொள்ள வேண்டும்.

அதைத் தொடர்ந்து, சம்பந்தப்பட்ட கல்லூரிகள், 22ம் தேதிக்குள் விண்ணப்பங்களைச் சரிபார்த்து அங்கீகரிக்கும்.

சேர்க்கைக் கட்டணத்தை, 23ம் தேதிக்குள் செலுத்த வேண்டும்.

இரண்டாவது பட்டியல், 28ம் தேதி மாலை 5:00 மணிக்கு வெளியிடப்படுகிறது. முதலாமாண்டு இளங்கலை வகுப்புகள் ஆகஸ்ட் 1ம் தேதி துவக்க முடிவு செய்யப்பட்டு உள்ளது.