தெலுங்கானாவின் ஜெயசங்கர் பூபல்பள்ளி நகரில் நேற்று முன்தினம் மாலை ராஜலிங்கமூர்த்தி, 50 என்பவர் கொலை செய்யப்பட்டார். அவர்,காலேஸ்வரம் திட்டத்தில் ஊழல் செய்ததாக குற்றம் சாட்டி,முன்னாள் தெலுங்கானா முதல்வர் மற்றும் பி.ஆர்.எஸ் தலைவர் கே.சி.ஆர் மற்றும் பிறருக்கு எதிராக நீதிமன்றத்தில் வழக்கு தொடர்ந்திருந்தார். இறந்தவரின் குடும்ப உறுப்பினர்களும் ஆளும் காங்கிரஸும் இந்தக் கொலைக்குப் பின்னணியில் பி.ஆர்.எஸ் இருப்பதாகக் குற்றம் சாட்டியுள்ளனர்.

பூபல்பள்ளி காவல் கண்காணிப்பாளர் கிரண் கரே கூறியதாவது:

பிப்ரவரி 19இரவு 7.30 மணியளவில் ஜெயசங்கர் பூபல்பள்ளி நகரில் பைக்கில் சென்று கொண்டிருந்த நாகவெல்லி ராஜலிங்கமூர்த்தி, அடையாளம் தெரியாத இரண்டு நபர்களால் கத்தியால் குத்தி கொல்லப்பட்டார்.

இரண்டு பைக்குகளில் வந்த குற்றம் சாட்டப்பட்டவர், இரும்பு கம்பியால் தாக்கி, பின்னர் அவரை குத்திக் கொன்றார்.

மருத்துவமனைக்கு கொண்டு செல்லும் வழியில் அவர் இறந்தார்

ராஜலிங்கமூர்த்தியின் மனைவியும், பூபல்பள்ளி நகராட்சியின் முன்னாள் பிஆர்எஸ் கவுன்சிலருமான என் சரளா அளித்த புகாரின் அடிப்படையில் ஐந்து பேர் மீது வழக்குப் பதிவு செய்யப்பட்டது.

புகாரில், குற்றம் சாட்டப்பட்டவர்கள் நிலத் தகராறில் தனது கணவரைக் கொன்றதாகக் கூறினார்.

இருப்பினும், பின்னர் அவரும் இறந்தவரின் குடும்ப உறுப்பினர்களும் ராஜலிங்கமூர்த்தியின் மரணத்திற்கு பிஆர்எஸ் உடன் தொடர்புடைய சில தலைவர்கள் காரணம் என்று குற்றம் சாட்டினர்.

சிசிடிவி காட்சிகள் மற்றும் சூழ்நிலை ஆதாரங்களை அடிப்படையாகக் கொண்டு சில சந்தேக நபர்களை நாங்கள் அடையாளம் கண்டுள்ளோம். சிறப்பு குழுக்கள் நிறுத்தப்பட்டுள்ளன, விசாரணைகள் நடந்து வருகின்றன.

இதுவரை நடந்த விசாரணையின் அடிப்படையில், கொலை செய்ததாக சந்தேகிக்கப்படுபவர்கள் நிலத்தகராறு பிரச்சினையுடன் தொடர்புடையவர்கள் என்றும், இருப்பினும், குடும்ப உறுப்பினர்கள் கூறிய குற்றச்சாட்டுகளையும் அவர்கள் சரிபார்த்து வருகிறோம்.

எங்களுக்கு சில தடயங்கள் கிடைத்துள்ளன. நாங்கள் அனைத்து கோணங்களிலும் விசாரித்து வருகிறோம்'

இவ்வாறு கிரண் கரே கூறினார்.