இது குறித்து பியூஷ் கோயல் கூறியதாவது: பீஹாரைச் சேர்ந்த ஒருவர் ஜப்பானுக்குச் சென்றால் அது மோசமானதா? பீஹாரைச் சேர்ந்த மக்கள் இப்போது வேலைவாய்ப்பை உருவாக்கு பவர்களாக மாறி வருகின்றனர். இன்றைய இளைஞர்கள் பீஹாரிலிருந்து வெளியேறு வதில்லை. பீஹார் மாநிலம் வளர்ச்சி அடைந்துள்ளது. பீஹாரில் இப்போது நம்மிடம் உள்ள உள்கட்டமைப்பு, கடந்த காலத்தில் யாரும் அதை நினைத்துப் பார்த்திருக்க மாட்டார்கள்.

பாட்னாவுக்கு மெட்ரோ ரயில் கிடைக்கும் என்று யாரும் நினைத்திருக்க மாட்டார்கள். நகர மையத்தின் நடுவில் ரயில் பாதைகள் இருந்தன. இப்போது மேம்பாலங்கள் மற்றும் பிற உள்கட்டமைப்பு மேம்பாடுகள் உள்ளன. நெடுஞ்சாலைகள் மற்றும் கிராமப்புற சாலைகள் உள்ளன, ஏழை மக்கள் வீடுகளைப் பெறுகிறார்கள்.

தேர்தலில் தோல்வி அடைந்தவர்கள் எப்போதும் அழுகிறார்கள். ராகுலும், தேஜஸ்வி யாதவும் தோல்வியை சந்தித்துள்ளனர். நாங்கள் ஒரு கோடி வேலைகளை உறுதியளித்துள்ளோம். இதில் அரசு மற்றும் தனியார் வேலைகளும் அடங்கும். இது ஒரு நிறைவேற்றக் கூடிய வாக்குறுதி ஆகும்.

தொழில்நுட்ப நிறுவனங்களை இங்கு எப்படி ஈர்ப்பது, எப்படி தொழில்துறை பூங்காக்களை உருவாக்குவது என்பது குறித்து நாங்கள் ஒரு திட்டத்தை வகுத்துள்ளோம். கடந்த ஆட்சியில், ஒரு குற்றம் நடந்தால், யாரும் எப்ஐஆர் பதிவு செய்யத் துணிய மாட்டார்கள். ஒரு வழக்கைக் கூட பதிவு செய்ய முடியாவிட்டால், தரவு என்ன சொல்லும்? ஆனால் இப்போது விவசாயிகளின் வருமானம் அதிகரித்துள்ளது.

பெண்கள் இருட்டில் பயமின்றி வெளியே செல்லலாம். இந்தியப் பொருட்களுக்கு அமெரிக்காவிற்குள் முன்னுரிமை அளிக்கப்படும். அமெரிக்கா உடன் வர்த்தக ஒப்பந்தம் கையெழுத்தாகும். இது உண்மையான நல்ல செய்தியாக இருக்கும். இவ்வாறு பியூஷ் கோயல் கூறினார்.