பிரபல ராப் பாடகரான வேடன் என்று அழைக்கப்படும் ஹிரன்தாஸ் முரளி என்பவர் மஞ்சுமெல் பாய்ஸ் படத்தில் இடம்பெற்றுள்ள குத்தந்திரம் பாடலின் மூலம் மிகவும் பிரபலமானார். அடக்குமுறைகளுக்கு எதிரான பாடல்களின் மூலம், தனக்கென்று ஒரு ரசிகர் பட்டாளத்தை கொண்டுள்ளார்.

அண்மையில் புலி பல் சர்ச்சையில் சிக்கிய இவர் மீது பெண் டாக்டர் ஒருவர் பாலியல் வன்கொடுமை புகார் அளித்துள்ளார். திருமணம் செய்து கொள்வதாகக் கூறி 2021ம் ஆண்டு முதல் 2023 வரையில் தொடர்ச்சியாக பலமுறை பலாத்காரம் செய்த வேடன், தன்னிடம் பணமோசடியும் செய்ததாக குற்றம்சாட்டியிருந்தார்.

இது தொடர்பான வழக்கில் வேடன் தற்போது தலைமறைவாக இருந்து வரும் நிலையில், மேலும் இரு பெண்கள் பாலியல் வன்கொடுமை புகார் அளித்துள்ளனர். கடந்த 2020 மற்றும் 2021ம் ஆண்டுகளில் தங்களை ஏமாற்றியதாக முதல்வர் பினராயி விஜயன் மற்றும் டிஜிபியுடன் புகார் அளித்துள்ளனர்.