தென் அமெரிக்க நாடான வெனிசுலா, அமெரிக்காவுக்குள் போதைப்பொருள் கடத்துவதாக குற்றஞ்சாட்டி அந்நாட்டின் மீது நேற்று அமெரிக்க படைக ள் தாக்குதல் நடத்தின.

மேலும் அந்நாட்டின் அதிபர் நிக்கோலஸ் மதுரோவை சிறை பிடித்து அமெரிக்காவுக்கு அழைத்துச் சென்றனர்.

இந்த தாக்குதல் குறித்து அமெரிக்க அதிபர் டிரம்ப் நேற்று அளித்த பேட்டி:

என் உத்தரவுபடி வெனிசுலா தலைநகர் கராகஸ் மீது மிகப்பெரிய தாக்குதல் வெற்றிகரமாக நடத்தப்பட்டது.

வான், நிலம், கடல் வழியாக அமெரிக்கப் படைகளின் முழு சக்தியை பயன்படுத்தினோம்.

அந்நாட்டு அதிபர் மதுரோவின் கோட்டையைத் தாக்கி, அவரையும், அவரது மனைவியையும் சிறை பிடித்தோம். இந்நடவடிக்கையில் எந்த ஒரு அமெரிக்க வீரரும் உயிரிழக்கவில்லை.

மதுரோ மற்றும் அவரது மனைவி நீதியின் முன் நிறுத்தப்படுவர். அமெரிக்க சட்டப்படி விசாரணை நடக்கும். நிலைமை சீராகும் வரை வெனிசுலாவை அமெரிக்கா நிர்வகிக்கும்.

வெனிசுலாவின் எண்ணெய் தொழில் தோல்வியடைந்துள்ளது. அதை அமெரிக்க எண்ணெய் நிறுவனங்கள் சென்று சரிசெய்யும்.

இவ்வாறு அவர் கூறினார்.