பாராளுமன்றத்தில் இயற்றப்பட்ட சட்டத்தின் கீழ், தேசிய முக்கியத்துவம் வாய்ந்த கல்வி நிறுவனமாக 1993ம் ஆண்டு ஸ்ரீபெரும்புதூரில் இந்த கல்வி நிறுவனம் ஆரம்பிக்கப்பட்டது. இளைஞர்களின் முன்னேற்றத்திற்காக பல்வேறு இளநிலை பட்டப்படிப்புகள், முதுநிலை பட்டப்படிப்புகள், முதுநிலை டிப்ளமா படிப்புகள் மற்றும் ஆராய்ச்சிப் படிப்புகளும் இங்கு வழங்கப்படுகின்றன. விஞ்ஞான ஆய்வுகளில் ஈடுபடுவதோடு, அரசு நிறுவனங்கள் மற்றும் அதிகாரிகளுக்கான பயிற்சி நிகழ்ச்சிகளையும் இக்கல்வி நிறுவனம், நாடு முழுவதும் ஒருங்கிணைத்து வருகிறது. மேலும் நாட்டில் இளைஞர்களின் மேம்பாட்டிற்கான முக்கிய அமைப்பாகவும் இது செயல்பட்டு வருகிறது. என்.எஸ்.எஸ்., என்.வை.கே.எஸ்., போன்ற அமைப்புகளுக்கும் ஒத்துழைப்பு வழங்கி வருகிறது. நகரம், கிராமம் மற்றும் பழங்குடியினர் பகுதிகளிலும் இளைஞர்கள் பணியாற்ற ஊக்குவித்து வருகிறது.