காலையில் பள்ளி ஆரம்பித்தவுடன் சத்தான சிற்றுணவு, அனைத்து மாணவர்களுக்கும் பள்ளியிலேயே மதிய உணவு மற்றும் மாலையிலும் சத்தான சிற்றுணவு அளித்து, அனைத்து மாணவர்களையும் கட்டாயம் விளையாட்டுகளில் ஈடுபடுத்துகிறோம். சிறப்பு தேர்வு நடத்தி, ஒவ்வொரு மாணவர்களுடைய பலவீனங்களை கண்டறிந்து, அவற்றிலிருந்து விடபட தனிக்கவனம் செலுத்துகிறோம். அதுவும், பள்ளி நேரத்திலேயே தனிக்கவனம் செலுத்துகிறோமே தவிர, அதற்காக கூடுதல் நேரத்தைக் எடுத்துக்கொண்டு, சிறப்பு வகுப்புகள் நடத்துவதில்லை. வருங்காலத்தில், ஒரு நிறுவனத்தை அல்லது தொழிலை நிர்வகிக்கும் வகையில் திறமை படைத்தவர்களாக உருவாக்குகிறோம். சுற்றுச்சூழலில் கவனம் செலுத்துபவர்களாகவும், அதுசார்ந்த பணிகளில் ஆர்வம் கொண்டவர்களாகவும், மாணவர்களை மாற்றுகிறோம்.