பல்கலைக்கழக வளாகத்தில், கடந்த 28ம் தேதி துவங்கிய பயிற்சி முகாமில், இந்தியா, ஜப்பான், இத்தாலி, கொரியா உள்ளிட்ட நாடுகளைச் சேர்ந்த நானோ தொழில்நுட்ப வல்லுனர்கள், நானோ தொழில்நுட்ப வளர்ச்சி குறித்து, மாணவர்களிடம் விளக்கினர். பயிற்சி முகாமின் நிறைவு விழா நேற்று நடந்தது.
 
செய்தித்துறை அமைச்சர் பரிதி இளம்வழுதி, சிறப்பு விருந்தினராக கலந்துகொண்டு பேசியதாவது நானோ தொழில்நுட்பத்தின் வளர்ச்சி, உலகிற்கு இன்றியமையாததாக உள்ளது. உலகெங்கிலும் உள்ள வல்லுனர்களின் கருத்துப்படி, வரும் காலத்தில் நானோ தொழில்நுட்பத்தின் பங்களிப்பு உலகிற்கு மிகவும் முக்கியத்துவம் வாய்ந்ததாக இருக்கும். நானோ தொழில்நுட்பத்தால், காற்று மாசடைவது குறையும். இவ்வாறு பரிதி இளம்வழுதி பேசினார்.