சிவகங்கை:
சிவகங்கை மாவட்ட விளையாட்டு அரங்கில் ஏப்., 17 முதல் மே 1 வரை கோடைகால பயிற்சி முகாம் நடைபெறும். இந்த ஆண்டிற்கான விடுதி இல்லாத கோடை கால பயிற்சி முகாம் 15 நாட்கள் நடைபெற உள்ளது. இதில், தடகளம், கூடைப்பந்து, கால்பந்து, கபடி, ஹாக்கி, கோ- கோ ஆகிய விளையாட்டிற்கான பயிற்சி அளிக்கப்படும்.

இதில் வயது 18க்கு மேற்பட்ட மாணவ, மாணவிகள், பொது மக்கள் பங்கேற்கலாம். பயிற்சி முகாம் காலை 06:30 மணி முதல் 08:30 மணி வரையிலும், மாலை 04:30 முதல் 06:30 மணி வரையும் நடைபெறும். இதற்கான பயிற்சி கட்டணம் இல்லை. பயிற்சிக்கான சான்று வழங்கப்படும். பயிற்சி முகாம் தொடர்பான விபரங்களை 74017 03503 என்ற எண்ணில் தெரிந்து கொள்ளலாம்.