கிராமப்புற பகுதிகளில் பெரும்பாலான பெற்றோர்கள் தங்களது ஆண் குழந்தைகளை தனியார் பள்ளிகளுக்கு அனுப்பவதையே விரும்புகின்றனர். ஏனென்றால் அரசு பள்ளிகளை காட்டிலும், தனியார் பள்ளிகளில் தான் தரமான கல்வி வழங்கப்படுகிறது என்று அவர்கள் நினைக்கின்றனர். இதனால் தான் அதிக செலவானாலும் குழந்தைகளை தனியார் பள்ளிகளுக்கு அனுப்புகின்றனர்.

அதே நேரத்தில் பெண் குழந்தைகளை அரசு பள்ளிகளுக்கு அனுப்புகின்றனர். ஏனென்றால் அதிகளவில் கல்விக்கு செலவழித்தாலும் வருமானம் என்பது ஆண்களுக்கே அதிகளவில் தருகின்றனர் என்று பெற்றோர்கள் கருதுகின்றனர். இவ்வாறான சிந்தனைகள் வருங்கால இந்தியாவின் முன்னேற்றத்துக்கு பெரும் தடையாக அமையும் என்று கல்வியாளர்கள் அச்சம் தெரிவிக்கின்றனர்.

மேலும் பெற்றோர்களின் இந்த மனநிலை மாறவேண்டும் என்றும், ஆண், பெண் என இரண்டு குழந்தைகளுக்குமே சமமான கல்வியே வழங்க வேண்டும் என்றும் அவர்கள் விரும்புகின்றனர். அவர்களது விருப்பம் மட்டுமல்ல, அனைவரது விருப்பமும் இதுவே.