ஈரோடு: 'வெற்றி பள்ளிகள்' வாராந்திர பயிற்சியில் ஈடுபடும் அரசு பள்ளி மாணவ மாணவியுடன், 'காபி வித் கலெக்டர்' நிகழ்ச்சி ஈரோட்டில் நடந்தது. கலெக்டர் கந்தசாமி தலைமை வகித்து மாணவியர்கள் கலந்துரையாடி அவர்களது கோரிக்கை தேவைகளை கேட்டறிந்து பேசியதாவது:
மாணவ மாணவியர் கல்வி அறிவுடன் சமூகம், பொது அறிவையும் மேம்படுத்த வேண்டும். இதற்கு பாடப்புத்தகங்களை கடந்து, உலக அறிஞர்களின் வாழ்க்கை வரலாறு, சமூக உணர்வை ஏற்படுத்தும் நாளிதழ்களை படிக்க வேண்டும். உயர் கல்வி படிக்க ஏராளமான பாடப்பிரிவுகள் உள்ளன. விரும்பிய பாடத்தை தேர்வு செய்து படிக்க வேண்டும். பள்ளி, கல்லுாரி படிப்புடன் போட்டி தேர்வுகளுக்கும் தயாராகும் வகையில் பயிற்சி பெற வேண்டும். அதிகமாக புத்தகங்களை வாசிக்கும் பழக்கத்தை ஏற்படுத்த வேண்டும். இவ்வாறு பேசினார். நிகழ்வில் சி.இ.ஓ., மான்விழி உட்பட பலர் பங்கேற்றனர்.