கோவை:
பாரதியார் பல்கலைக்கழக ஆசிரியர் சங்கத்தின் புதிய நிர்வாகிகளுக்கான தேர்தல் நடைபெற்றது. இதில் சங்கத்தின் புதிய தலைவராக, தாவரவியல் துறை பேராசிரியர் வசந்த் தேர்ந்தெடுக்கப்பட்டார்.

செயலாளராக உமாதேவி - மேலாண்மைத் துறை, பொருளாளர் ராஜேந்திரன் - நூலகவியல் துறை, துணைத் தலைவர் அமுதா - கணினி பயன்பாட்டியல் துறை, துணைச் செயலாளர் கிரிஜா - உயிர்த் தொழில்நுட்பவியல் துறை ஆகியோர் தேர்வு செய்யப்பட்டனர்.

உயிர்வேதியியல் துறை செல்வகுமார், கணிதவியல் துறை ராக்கியப்பன், தகவல் தொழில்நுட்பவியல் துறை ரோஸ் வருணா மற்றும் ஆங்கிலத் துறை வினோத் குமார் ஆகியோர் செயற்குழு உறுப்பினர்களாகத் தேர்வு செய்யப்பட்டனர்.

நுண்ணுயிரியல் துறை பேராசிரியர் பாலமுருகன் தேர்தல் அலுவலராகவும், புள்ளியியல் துறை பேராசிரியர் பிரதீபா வீராகுமாரி உதவி அலுவலராகவும் பணியாற்றினர். தேர்தல் கண்காணிப்பாளராக வழக்கறிஞர் பிரபு செயல்பட்டார்.