தமிழக அரசின் செய்திக்குறிப்பு: மாநிலத்தில், பிற்படுத்தப்பட்டோர், மிகவும் பிற்படுத்தப்பட்டோர், சீர்மரபினர் மற்றும் சிறுபான்மையின மாணவர்களுக்கு, 1,266 விடுதிகள் உள்ளன. இதில், 56 பிற்படுத்தப்பட்டோர், மிகவும் பிற்படுத்தப்பட்டோர், சீர்மரபினர் மற்றும் சிறுபான்மையின மாணவர்கள் தங்கும் விடுதிகளுக்கு, 50 கோடி ரூபாயில், சொந்த கட்டடம் கட்டப்படும்.

இதில், 100 மாணவர்கள் தங்கும் விடுதிகள் ஒவ்வொன்றுக்கும், ஒரு கோடி ரூபாயும், 50 மாணவர்கள் தங்கும் விடுதிகள் ஒவ்வொன்றுக்கும், 71 லட்சம் ரூபாயும் வழங்கப்படும். சொந்த கட்டடம் கட்டி முடிக்கப்பட்ட பின், தமிழக எரிசக்தி மேம்பாட்டு முகமை மூலம், சூரிய ஒளி மூலம் நீரை சூடுபடுத்தும் கருவிகள், 4 லட்சம் ரூபாய் மதிப்பில் நிறுவப்படும்.இவ்வாறு, அதில் கூறப்பட்டுள்ளது.