புதுடில்லி: நாட்டில் புதிதாக 4 மத்திய பல்கலைக்கழகங்கள் அமைக்கப்படவுள்ளன. இதற்கு தேவையான ஆசிரியர்கள், ஒப்பந்த அடிப்படையில் நியமனம் செய்யப்படுவார்கள் என்று மனிதவள அமைச்சர் ஸ்மிருதி இரானி தெரிவித்துள்ளார்.

இதுகுறித்து அவர் கூறியதாவது: 65 முதல் 70 வயது வரையிலான ஆசிரியர்கள், 6,251 பணியிடங்களை நிரப்பும் நடவடிக்கைகளில் ஒன்றாக, ஒப்பந்த அடிப்படையில் நியமிக்கப்படுவார்கள்.

ஆந்திரா மற்றும் தெலுங்கானா மாநிலங்களில் தலா ஒரு பழங்குடியின மத்திய பல்கலையும், ஆந்திராவில் ஒரு மத்தியப் பல்கலையும், பீகாரில் மகாத்மா காந்தி மத்திய பல்கலையும் அமைக்கப்படவுள்ளன.

தற்போதைய நிலையில், நாட்டில் மொத்தம் 40 மத்திய பல்கலைகள் இருக்கின்றன. நாட்டின் 39 மத்தியப் பல்கலைகளில், 6251 ஆசிரியர் பணியிடங்கள் காலியாக உள்ளன. இவ்வாறு அவர் கூறினார்.