கோவை: பாரதியார் பல்கலை அனைத்துக் கல்லுாரி மாணவர்களுக்கான பளுதுாக்குதல் போட்டியில், பொள்ளாச்சி சரஸ்வதி தியாகராஜா கலை அறிவியல் கல்லுாரி, சாம்பியன் பட்டம் வென்றது.

பாரதியார் பல்கலை உடற்கல்வித்துறை சார்பில் மாணவ, மாணவியருக்கான பளு - வலு துாக்குதல் போட்டி, ஈச்சனாரி ரத்தினம் கலை அறிவியல் கல்லுாரியில், 4 நாட்களாக நடந்து வருகிறது. பொள்ளாச்சி சரஸ்வதி தியாகராஜா கல்லுாரி 196 புள்ளிகள்; கோவை சி.எம்.எஸ்., கல்லுாரி 182 புள்ளிகள்; ஈரோடு கலை கல்லுாரி 156 புள்ளிகள்; என்.ஜி.பி.,கல்லுாரி 154 புள்ளிகள் பெற்று முறையே முதல் நான்கு இடங்களை பெற்றன.

மாணவர்களுக்கான பளுதுாக்குதல் போட்டியில், முதல் மூன்று இடங்களை பெற்றவர்கள்: 56 கிலோ உடல் எடை- என்.ஜி.பி., கல்லுாரி பாஸ்கர், ஆர்.எம்.வி., கல்லுாரி சக்தி, ஈரோடு கலை கல்லுாரி கார்த்தி; 62 கிலோ-ஆர்.ஏ.என்.எம்., கல்லுாரி சுரேஷ், ஈரோடு கல்லுாரி கார்த்திக், சி.எம்.எஸ்., கல்லுாரி ஆண்ட்ரின்; 69 கிலோ- ஈரோடு கலை கல்லுாரி தியாகராஜ், சி.எம்.எஸ்., கல்லுாரி அருண், ஆர்.ஏ.என்.எம்., கல்லுாரி சவுந்தரம்; 77 கிலோ-சரஸ்வதி தியாகராஜா கல்லுாரி தவசீலன், ஆர்.ஏ.என்.எம்., கல்லுாரி பாபு, சரஸ்வதி தியாகராஜா கல்லுாரி ராக்கிமுத்து; 85 கிலோ- சரஸ்வதி தியாகராஜா கல்லுாரி பிரவீன்குமார், என்.ஜி.பி.,கல்லுாரி பிரசாந்த், ரத்தினம் கல்லுாரி சரத்குமார்; 94 கிலோ- சி.எம்.எஸ்., கல்லுாரி சுனேஷ்பாபு, ஆர்ஏஎன்எம்.,கல்லுாரி விக்னேஷ்வரன், சரஸ்வதி தியாகராஜா கல்லுாரி பிரபாகரன்; 105 கிலோ-சி.எம்.எஸ்.,கல்லுாரி பிரவீன்குமார், பாரதியார் பல்கலை உடற்கல்வித்துறை நிஷாந்த், கொங்கு கல்லுாரி கார்த்திகேயன்; 105+கிலோ-சரஸ்வதி தியாகராஜா கல்லுாரி லோகநாதன், பூபாலன், சி.எம்.எஸ்.,கல்லுாரி விக்னேஷ்வரன் ஆகியோர்.