சென்னை:
சென்னை, மேற்கு அண்ணா நகரை அடுத்த திருமங்கலம் பகுதியில் வசிக்கும் டாக்டர்களான ராஜ்மோகன் - ஹேமலதா தம்பதியின் மகன் கனிஷ், 16; அதே பகுதியிலுள்ள சென்னை பப்ளிக் பள்ளியில், பிளஸ் 1 படித்து வருகிறார்.இவர், கடந்த சில தினங்களுக்கு முன், அண்ணா நகர் பகுதியில், இடைவிடாமல் 24 மணிநேரத்தில், 9,793 ரூபிக்ஸ் க்யூப்ஸ்களுக்கு தீர்வு கண்டு, கின்னஸ் சாதனை படைத்து உள்ளார்.இதுகுறித்து, சிறுவன் கனிஷ் கூறியதாவது:
எட்டு ஆண்டுகளுக்கு முன், மூன்றாம் வகுப்பு படித்த போது,&'ரூபிக்ஸ் க்யூப்&' பற்றி தெரிந்து கொண்டேன். அதன் பின், இந்த விளையாட்டில் ஆர்வம் வந்தது. ஆன்லைனில் வீடியோ பார்த்து பயிற்சி செய்தேன்.கடந்த 16ம் தேதி காலை, 7:45 மணிக்கு துவங்கிய சாதனை முயற்சி, அடுத்த நாள் 7:45 மணிக்கு நிறைவடைந்தது. ஒவ்வொரு மணி நேரத்திற்கும், ஐந்து நிமிடம் ஓய்வெடுத்தேன். ஒரு மணி நேரத்தில் 500க்கும் மேற்பட்ட க்யூப்ஸ்களுக்கு தீர்வு காண முடிந்தது.மொத்தம் 24 மணிநேரத்தில், 9,793 க்யூப்ஸ்களுக்கு தீர்வு கண்டு சாதனை படைத்தேன். இந்த சாதனையை நேரடி வீடியோ ஒளிபரப்பு செய்தோம்.இவ்வாறு அவர் கூறினார்.