தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/கார்ப்பரேஷன் வங்கியில் கிளரிகல் பதவிகள்

கார்ப்பரேஷன் வங்கியில் கிளரிகல் பதவிகள்

கார்ப்பரேஷன் வங்கியில் கிளரிகல் பதவிகள்


UPDATED : ஏப் 22, 2011 12:00 AM

ADDED : ஏப் 22, 2011 03:11 PM

Follow on GoogleFavourite on Google

UPDATED : ஏப் 22, 2011 12:00 AM ADDED : ஏப் 22, 2011 03:11 PM


Follow on Google
அ நிறம் | அளவு

இந்தியாவின் பொதுத் துறை வங்கிகளில் சிறந்த வாடிக்கையாளர் சேவை, நவீனமயமாக்கப்பட்ட வங்கிச் சேவை, பல்வேறு நிதி நிறுவனங்களுடன் இணைந்து வழங்கப்படும் பன்முக சேவை போன்றவற்றில் கார்ப்பரேஷன் வங்கி சிறந்து விளங்குகிறது. இந்த வங்கியில் ஒற்றைச் சாளர முறையில் அனைத்து சேவைகளையும் வழங்குவதற்கேற்ற கிளரிகல் காலியிடங்களை நிரப்புவதற்கான அறிவிப்பு வெளியாகியுள்ளது. இந்தக் காலியிடங்களில் 75 இடங்கள் தமிழ் நாட்டில் நிரப்பப்பட உள்ளன. இந்தப் பணியிடங்களுக்கு அரசு நிபந்தனைகளுக்கு உட்பட்டு இட ஒதுக்கீடும் உள்ளது.


வயது வரம்பு
கார்ப்பரேஷன் வங்கியின் கிளரிகல் இடங்களுக்கு விண்ணப்பிக்க 31.03.2011 அன்று 18 வயது நிரம்பியவராகவும், 28 வயதுக்கு உட்பட்டவராகவும் இருக்க வேண்டும். உச்ச பட்ச வயதில் எஸ்.சி., எஸ்.டி., ஓ.பி.சி., மாற்றுத் திறனாளிகளுக்கு சில சலுகைகள் உள்ளன. முழு விபரங்கள் அறிய இந்த வங்கியின் இணைய தளத்தைப் பார்க்கவும்.


கல்வித் தகுதி
ஏதாவது ஒரு பிரிவில் அங்கீகரிக்கப்பட்ட பல்கலைக் கழகத்தின் மூலமாக பட்டப்படிப்பை குறைந்த பட்சம் 40 சதவிகித மதிப்பெண்களுடன் முடித்தவர்கள் கார்ப்பரேஷன் வங்கியின் கிளரிகல் இடங்களுக்கு விண்ணப்பிக்கலாம். எஸ்.சி., எஸ்.டி., முன்னாள் ராணுவத்தினர், மாற்றுத் திறனாளிகள் குறைந்த பட்சம் 35 சதவிகித மதிப்பெண்களுடன் பட்டப்படிப்பை முடித்திருந்தால் போதுமானது. இத்துடன் கம்ப்யூட்டர் திறனும் கூடுதலாகத் தேவைப்படும்.


தேர்ச்சி முறை
கார்ப்பரேஷன் வங்கியின் கிளரிகல் பதவிக்கு எழுத்துத் தேர்வு, நேர்காணல் என்ற அடிப்படையில் தேர்ச்சி இருக்கும் என்று அறிவிக்கப்பட்டுள்ளது. 95 நிமிடங்களில் முடிக்க வேண்டிய அப்ஜக்டிவ் வகையிலான எழுத்துத் தேர்வில் டெஸ்ட் ஆப் ரீசனிங், நியூமரிகல் எபிலிட்டி, டெஸ்ட் ஆப் கிளரிகல் ஆப்டியூட், டெஸ்ட் ஆப் இங்கிலீஷ் லாங்வேஜ், டெஸ்ட் ஆப் ஜெனரல் நாலெட்ஜ் ஆகிய பகுதிகளிலிருந்து மொத்தம் 200 கேள்விகள் கேட்கப்படும். 12.06.2011 அன்று நடைபெறும் எழுத்துத் தேர்வை தமிழ் நாட்டில் சென்னை, கோவை உள்ளிட்ட ஏதாவது ஒரு மையத்தில் எழுதலாம்.


விண்ணப்பக் கட்டணம்
இந்தப் பதவிக்கு விண்ணப்பிக்கும் பொதுப் பிரிவு மற்றும் ஓ.பி.சி., வகுப்பினர் ரு.200/ ஐ ஏதாவது ஒரு கார்ப்பரேஷன் வங்கியின் கேஷ் கவுண்டரில் 0377/ இஅ/01/000731 என்ற அக்கவுண்ட் எண்ணில் செலுத்த வேண்டும். எஸ்.சி., எஸ்.டி., முன்னாள் ராணுவத்தினர் மற்றும் மாற்றுத் திறனாளிகள் ரூ.50/ மட்டும் செலுத்தினால் போதுமானது.


விண்ணப்பிக்கும் முறை
விண்ணப்பக் கட்டணத்தைச் செலுத்திய பின் ஆன்லைன் முறையில் விண்ணப்பிக்க வேண்டும். ஆன்லைன் முறையில் விண்ணப்பிப்பதால் உங்களுக்கான உபயோகத்தில் உள்ள ஒரு பிரத்யேகமான இமெயில் முகவரி இருப்பதனை உறுதி செய்யவும். ஆன்லைனில் விபரங்களை முழுமையாகப் பதிவு செய்த பின் உங்களுக்கான பதிவு எண்ணும், அதற்கான பாஸ்வேர்டும் வழங்கப்படும்.


இதனை பத்திரமாக வைத்திருக்கவும். இதனை உபயோகித்தே இந்தத் தேர்வின் மற்ற விபரங்களையும், தேர்வு முடிவுகளையும் அறிய முடியும். ஆன்லைனில் பதிவு செய்த பின் கிடைக்கும் பிரின்ட் அவுட்டைப் போதுமான காப்பிகள் எடுத்து பத்திரப்படுத்தவும். முழு விபரங்களை அறிய கட்டாயம் இந்த வங்கியின் இணையதளத்திலிருந்து அறியவும்.


ஆன்லைனில் விண்ணப்பிக்க இறுதி நாள்: 25.04.2011
எழுத்துத் தேர்விற்கான அழைப்புகள் கிடைக்கும் நாள்: 30.05.2011க்குப் பின்
எழுத்துத் தேர்வு நடைபெறும் நாள்: 12.06.2011
இணையதள முகவரி:
http://www.corpbank.com

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us