சென்னை:
அண்ணா பல்கலையில், பி.இ., பி.டெக்., பி.பிளான் பட்டப்படிப்புகளில் சேருவதற்கு, ஆன்லைன் வழியே விண்ணப்பிக்கலாம்.

இது தொடர்பாக, அண்ணா பல்கலை பதிவாளர் பிரகாஷ் வெளியிட்டுள்ள அறிக்கை:

அண்ணா பல்கலை வளாகங்களான, கிண்டி பொறியியல் கல்லுாரி, அழகப்பா தொழில்நுட்ப கல்லுாரி, மெட்ராஸ் தொழில்நுட்ப கல்லுாரி, குரோம்பேட்டை கட்டடக்கலை மற்றும் திட்டமிடல் கல்லுாரி ஆகியவற்றில், பி.இ., பி.டெக்., பி.பிளான் படிப்புகளில் சேர விரும்புவோர், https://cfa.annauniv.edu/cfa/ இணையதளம் வாயிலாக, ஜூன் 9ம் தேதி வரை விண்ணப்பிக்கலாம்.

பிற மாநிலப் பிரிவினருக்கு, பி.இ., பி.டெக்., பி.பிளான் சேர, வரும் 11ம் தேதி முதல் விண்ணப்பிக்கலாம். ஜூன் 13ம் தேதி விண்ணப்பிக் கடைசி நாள்.

இவ்வாறு அதில் கூறப்பட்டுள்ளது.