பிரதமர் மோடி, இன்று 76வது பிறந்த நாளை கொண்டாடினார். அவருக்கு மத்திய அமைச்சர்கள், மாநில முதல்வர்கள், கவர்னர்கள் உட்பட பலர் வாழ்த்து தெரிவித்தனர். பல்வேறு உலக நாடுகளின் தலைவர்களும் பிறந்த நாள் வாழ்த்து தெரிவித்தனர்.

ரஷ்ய அதிபர் புடின்: இந்திய மக்களிடையே மரியாதையையும், சர்வதேச அரங்கில் பெரும் செல்வாக்கையும் பெற்றுள்ள மோடிக்கு பிறந்த நாள் வாழ்த்துகள். இந்தியா - ரஷ்யா இடையிலான கூட்டணியை வலுப்படுத்துவதில், அவரது தனிப்பட்ட பங்களிப்பை வார்த்தைகளால் விவரிக்க முடியாது.

இத்தாலி பிரதமர் ஜார்ஜியா மெலோனி: என் நண்பர் மோடிக்கு பிறந்த நாள் வாழ்த்துகள். அவருக்கு உடல்நலமும், ஆற்றலும், வெற்றியும் கிடைக்க வேண்டுகிறேன்.

இஸ்ரேல் பிரதமர் பெஞ்சமின் நெதன்யாகு: என் நண்பர் பிரதமர் மோடிக்கு பிறந்த நாள் வாழ்த்துகள். நாம் இணைந்து நம் கூட்டணியை புதிய உயரங்களுக்கு எடுத்துச் செல்வோம்.