சர்வதேச நிலவரங்களால், நம் நாட்டில் தங்கம் விலை தொடர்ந்து உயர்ந்து வருகிறது. இந்த வாரத்தின் தொடக்க நாளான டிசம்பர் 8ம் தேதி தங்கம் மற்றும் வெள்ளி விலையில் எந்த மாற்றமும் இல்லாமல், கிராமுக்கு 12 ஆயிரத்து 40 ரூபாய்க்கும், பவுனுக்கு 96 ஆயிரத்து 320 ரூபாய்க்கும் விற்பனையாகி வந்தது.

நேற்று (டிசம்பர் 9) தங்கம் விலை பவுனுக்கு 320 ரூபாய் குறைந்து, ஒரு பவுன் 96 ஆயிரம் ரூபாய்க்கு விற்பனை செய்யப்பட்டது. கிராமுக்கு 40 ரூபாய் குறைந்து ஒரு கிராம் 12 ஆயிரம் ரூபாய்க்கு விற்பனையாகியது. வெள்ளி விலை கிராமுக்கு ஒரு ரூபாய் உயர்ந்து ஒரு கிராம் 199 ரூபாய்க்கு விற்பனை செய்யப்பட்டது.

இந்த நிலையில், தங்கம் விலை இன்று பவுனுக்கு 240 ரூபாய் அதிகரித்துள்ளது. இதன்மூலம், ஒரு பவுன் 96 ஆயிரத்து 240 ரூபாய்க்கு விற்பனையாகி வருகிறது. ஒரு கிராமுக்கு 30 ரூபாய் அதிகரித்து 12 ஆயிரத்து 30 ரூபாய்க்கு விற்பனை செய்யப்படுகிறது.

அதேவேளையில், வெள்ளி விலை வரலாறு காணாத வகையில் அதிகரித்துள்ளது. கிலோவுக்கு 8 ஆயிரம் ரூபாய் அதிகரித்து 2 லட்சத்து 7 ஆயிரம் ரூபாய்க்கு விற்பனையாகிறது. வெள்ளி விலை கிராமுக்கு ரூ.8 அதிகரித்து, ஒரு கிராம் ரூ.207க்கு விற்பனை ஆகிறது.