இந்திய அரசியல் சாசனப் பிரிவு 25ன் கீழ் புத்தம், ஜெயின் மற்றும் சீக்கிய மதங்களைச் சேர்ந்தவர்களும் ஹிந்துக்களாகத் தான் வகைப்படுத்தப்பட்டு உள்ளனர்.

அடிப்படை உரிமை இந்த சட்டப்பிரிவை எதிர்த்து, புத்த தனிநபர் சட்ட கமிட்டி சார்பில் உச்ச நீதிமன்றத்தில் மனு தாக்கல் செய்யப்பட்டது.

இந்த மனுவில், 'ஹிந்து திருமணச் சட்டம் - 1955, ஹிந்து வாரிசுரிமைச் சட்டம் - 1956, ஹிந்து சிறுபான்மையினர் மற்றும் பாதுகாவலர் சட்டம் - 1956 போன்ற சட்டங்கள், ஹிந்துக்களைப் போலவே புத்த மதத்தினரும் அதே சட்டங்களால் நிர்வகிக்கப் படுகின்றனர்.

'இந்தச் சட்டங்களின் நோக்கங்களுக்காக, இந்திய அரசியல் சாசனப்பிரிவு 25ல் புத்த, ஜெயின் மற்றும் சீக்கியர்கள், ஹிந்துக்களாக வகைப்படுத்தப் பட்டுள்ளனர்.

'இதனால், எங்களின் அடிப்படை உரிமை பாதிக்கப் படுகிறது. எந்த இடையூறும் இன்றி எங்கள் மதத்தை பின்பற்றும் உரிமை பாதிக்கப் பட்டுள்ளது' என குறிப்பிட்டுள்ளது.

இந்த மனு, உச்ச நீதிமன்ற தலைமை நீதிபதி சூர்ய காந்த் தலைமையிலான அமர்வு முன் நேற்று முன்தினம் விசாரணைக்கு வந்தது.

அப்போது தலைமை நீதிபதி சூர்ய காந்த், “அரசியலமைப்பு மற்றும் தனிப்பட்ட சட்டங்களைத் திருத்த கோரிக்கை விடுக்கிறீர்களா? மத்திய அரசிடம் இதற்கான கோரிக்கைக் கடிதம் வழங்கி இருக்கிறீர்களா? அடிப்படை கட்டமைப்பையும் திருத்த வேண்டும் என நீங்கள் விரும்புகிறீர்களா,” என, கேள்வி எழுப்பி னார்.

ஆலோசனை அதற்கு மனுதாரர் தரப்பில் ஆஜரான வழக்கறிஞர், 'புத்த மதத்தினர் ஒரு தனித்துவமான சமூகத்தைச் சேர்ந்தவர்கள்; இதுபற்றி பலமுறை நாங்கள் முறையிட்டுள்ளோம்' என்றார்.

இதையடுத்து, இந்த விவகாரத்தில் உரிய ஆலோசனைகள், வழிகாட்டுதல்களை வழங்கும்படி, சட்டக் கமிஷனுக்கு பரிந் துரைப்பதாக அமர்வு கூறியுள்ளது.

- டில்லி சிறப்பு நிருபர் -