மஹாராஷ்டிராவில் முதல்வர் தேவேந்திர பட்னவிஸ் தலைமையில் பா.ஜ., - சிவசேனா - தேசியவாத காங்., கூட்டணி ஆட்சி நடக்கிறது. இங்குள்ள சட்டசபையில் நேற்று, 2026 - 27ம் நிதியாண்டுக்கான பட்ஜெட்டை, நிதித் துறையையும் கவனிக்கும் முதல்வர் பட்னவிஸ் தாக்கல் செய்தார்.

இதில், 2 லட்சம் ரூபாய் வரையிலான விவசாய கடன் தள்ளுபடி, விவசாய மின் இணைப்புக்கான கட்டணம் தள்ளுபடி உள்ளிட்ட அறிவிப்புகளை வெளியிட்டார். மேலும், பழைய வாகனங்களை பயன்பாட்டில் இருந்து நீக்கி புதிய வாகனம் வாங்குவோருக்கு வரி தள்ளுபடி செய்யும் திட்டத்தையும் அறிவித்தார்.

சட்டசபையில் முதல்வர் பட்னவிஸ் கூறியதாவது: பி.எஸ்., - 3 மற்றும் அதற்கு கீழ் உள்ள உமிழ்வு தரநிலைகளை கொண்ட பழைய வாகனங்களை பயன்பாட்டில் இருந்து நீக்கி, புதிய வாகனங்களை வாங்குவோருக்கு மோட்டார் வாகன வரியில், 30 சதவீதம் சலுகை வழங்கப்படும்.

பி.எஸ்., 4 மற்றும் அதற்கு மேல் உமிழ்வு தரநிலையில் உள்ள வாகனங்களை நீக்கி, புதிய வாகனம் வாங்கினால் வரியில், 16 சதவீதம் சலுகை வழங்கப்படும். இவ்வாறு அவர் கூறினார்.