காங்., கட்சியில் இருந்து இதுவரை நிறைய பேர் வெளியேறி இருக்கின்றனர். சில தலைவர்கள் வேறு சில கட்சிகளுக்கு தாவி இருக்கின்றனர். அவர்களை எல்லாம் ராகுல் துரோகி என அழைக்கவில்லை. ஆனால், பிட்டுவை மட்டும் துரோகி என அழைத்துள்ளார். அதற்கு காரணம் அவர் ஒரு சீக்கியர். தனி மனிதரை மட்டுமல்ல; ஒட்டுமொத்த சீக்கிய சமூகத்தினரையும் ராகுல் அவமானப்படுத்திவிட்டார்.

சீக்கிய சமூகத்தினர் மீது வெறுப்புணர்வை வெளிப்படுத்தியுள்ளார். தேசத்திற்காக பிட்டுவும், அவரது குடும்பத்தினரும் நிறைய தியாகங்கள் செய்து இருக்கின்றனர். பா.ஜ.,வுக்கு மாறியதற்காக தற்போது அவரை துரோகியாக்கிவிட்டனர். ராகுலின் இந்த பேச்சு காரணமாகவே, காங்கிரஸ் அழியப் போகிறது. இவ்வாறு அவர் கூறினார்.