கதிர்காமம் , கதிர்வேல் சுவாமி கோவிலில் சுப்ரமணிய சுவாமி அவதார வைகாசி விசாகத்தையொட்டி, 108 பால்குட மற்றும் சங்காபிேஷகம், இன்று நடக்கிறது.

இதையொட்டி காலை, 7:00 மணிக்கு, 108 சங்கு ஸ்தாபனமும், பூஜையும் நடக்கிறது.

மேலும், 108 பால் குடங்கள் முத்துமாரியம்மன் கோவிலில் இருந்து புறப்பட்டு, மாடவீதியாக வலம் வந்து, முருகன் கோவிலை அடைகிறது.

காலை 9:00 மணிக்கு மகா அபிேஷகமும், 108 பால் குட அபிேஷகமும் நடக்கிறது. காலை 10:00 மணிக்கு, மகா பூர்ணாகுதியுடன் கலசம் புறப்படுகிறது.

காலை 11:00 மணிக்கு, 108 சங்காபிேஷகம் நடக்கிறது. மேலும், பகல் 12:00 மணிக்கு, மகா தீபாராதனையும், பிரகார உற்சவமும் நடக்க உள்ளது.

இதைத்தொடர்ந்து, பகல் 1:00 மணிக்கு, பிரசாதம் வழங்கப்படுகிறது.