நெட்டப்பாக்கம் தொகுதிக்குட்பட்ட மடுகரை அரசு தொடக்கப் பள்ளியில் உள்ள 5ம் எண் ஓட்டுச் சாவடியில் காலை 7:00 மணிக்கு, ஒட்டுப்பதிவு செய்ய அப்பகுதியை சேர்ந்த வாக்காளர்கள் 50க்கும் மேற்பட்டோர் திரண்டனர்.

ஆனால், அங்கிருந்த ஓட்டுப்பதிவு இயந்திரம் பழுது காரணமாக 30 நிமிடம் தாமதமாக 7:30 மணிக்கு மேல் தான் ஓட்டுப் பதிவு துவங்கியது. காங்., வேட்பாளர் வைத்திலிங்கம் சொந்த தொகுதியான நெட்டப்பாக்கம் தொகுதியில் உள்ள மடுகரையில் காலை 11:30 மணிக்கு ஒட்டு போட்டார்.

மாலை 4:30 மணிக்கு ஏரிப்பாக்கம் ஓட்டுச் சாவடியில் பொது மக்களிடம் ஓட்டு கேட்டபோது, பா.ஜ., மற்றும் காங்., நிர்வாகிகள் இடையே திடீர் மோதல் ஏற்பட்டது. அவர்களை நெட்டப்பாக்கம் சப் இன்ஸ்பெக்டர் வீரபுத்திரன் சமாதானம் செய்து, அனுப்பி வைத்தனர். இதனால் அப்பகுதியில் பரபரப்பு நிலவியது.