இக்கோவிலில் தீமிதி உற்சவம் கடந்த 8ம் தேதி கொடியேற்றத்துடன் துவங்கியது. இதையொட்டி, தினமும் காலை மற்றும் இரவு நேரங்களில் சுவாமிக்கு சிறப்பு அபிஷேகம் மற்றும் வீதியுலா நடந்து வருகிறது.

இதற்கிடையே, தீமிதி உற்சவத்தை முன்னிட்டு, நேற்று காலை 9:30 மணிக்கு தேர் வீதியுலா நடந்தது. இதில் திரளான பொது மக்கள் மற்றும் பக்தர்கள் பங்கேற்று, தேரை வடம் பிடித்து இழுத்து வழிபாடு செய்தனர்.

தொடர்ந்து, இன்று(25ம் தேதி) காலை 10:00 மணிக்கு கோவில் வளாகத்தில் ஊரணி பொங்கல் மற்றும் இரண்டாவது நாளாக தேர் வீதியுலா நடக்கிறது.

முக்கிய நிகழ்வாக, மாலை 6:00 மணிக்கு தீமிதி உற்சவம் நடக்கிறது. ஏற்பாடுகளை அறங்காவல் குழுவினர் மற்றும் கிராம மக்கள் செய்து வருகின்றனர்.