ADDED : ஜூலை 02, 2026 07:40 PM
அரியாங்குப்பம்: மணவெளி தொகுதியில் வீடு கட்டும் திட்டத்தில் 57 பயனாளிகளுக்கு, ராமு எல்.எல்.ஏ., ஆணை வழங்கினார்.
மணவெளி தொகுதியில் வீடு கட்டும் திட்டத்தின் கீழ், குடிசை மாற்று வாரியத்தின் மூலம் பயனாளிகளுக்கு ஆணை வழங்கும் நிகழ்ச்சி தவளக்குப்பம் த.வெ.க., கட்சி அலுவலகத்தில் நேற்று நடந்தது. முதல் கட்ட தவணையாக 54 நபர்களுக்கு தலா ஒரு லட்சம் வீதம் 54 லட்சம் ரூபாயும், இரண்டாவது தவணையாக 1 நபருக்கு 60 ஆயிரம் ரூபாயும், மூன்றாவது தவணையாக 2 நபர்களுக்கு தலா 70 ஆயிரம் ரூபாய் வீதம் 1 லட்சத்து 40 ஆயிரம் ரூபாய் என, மொத்தம் 56 லட்சம் ரூபாய்க்கான ஆணையை ராமு எம்.எல்.ஏ., பயனாளிகளுக்கு வழங்கினார்.
நிகழ்ச்சியில், குடிசை மாற்று வாரியத்தின் இளநிலை பொறியாளர் உதயகுமார், மணவெளி தொகுதி த.வெ.க., நிர்வாகி பாபு உட்பட பலர் கலந்து கொண்டனர்.
