அவர் கூறியதாவது:

காரைக்கால் பிராந்தியம் கடந்த நான்கு ஆண்டுகளாக தொடர்ந்து புறக்கணிக்கப்பட்டு வருகிறது. வெறும் வாக்குறுதிகள் மட்டுமே சட்டசபையில் அளிக்கப்படுகிறது. இது செயல்வடிவத்திற்கு வருவதில்லை. காரைக்கால் பகுதியில் சுகாதார கட்டமைப்பு இல்லை. உயர் சிகிச்சைக்காக திருச்சி, தஞ்சாவூர் செல்ல வேண்டியுள்ளது. இந்த பட்ஜெட்டிலாவது காரைக்காலில் மருத்துவமனையுடன் கூடிய அரசு மருத்துவ கல்லுாரி அமைக்கப்படும் என, எதிர்பார்த்தோம். ஆனால் வழக்கம்போல் காரைக்கால் புறக்கணிக்கப்பட்டுள்ளது. காரைக்காலில் சுகாதார கட்டமைப்பினை மேம்படுத்துவதற்கான அறிவிப்பு முதல்வர் பட்ஜெட் உரையில் இல்லை. இதனை கண்டித்து வெளிநடப்பு செய்தேன்' என்றார்.