புதுச்சேரி, துத்திப்பட்டு சீகெம் விளையாட்டு அரங்கில், பிரீமியர் லீக் கிரிக்கெட் போட்டி, நடந்து வருகிறது. நேற்று காலை நடந்த போட்டியில், காரைக்கால் நைட் ரைடர்ஸ், மாகி மெகலோ ஸ்டைகர்ஸ் அணிகள் மோதின. முதலில் ஆடிய காரைக்கால் நைட் ரைடர்ஸ் அணி, 20 ஓவர்களில், 8 விக்கெட்டுகளை இழந்து, 157 ரன்களை குவித்தது.

தொடர்ந்து ஆடிய மாகி மெகலோ ஸ்டைகர்ஸ் அணி, 20 ஓவர்களில், 9 விக்கெட்டுகளை இழந்து, 133 ரன்கள் மட்டும் எடுத்தது. இப்போட்டியில், காரைக்கால் நைட் ரைடர்ஸ் அணி, 24 ரன்கள் வித்தியாசத்தில் வெற்றி பெற்றது. 3 விக்கெட்களை வீழ்த்திய அந்த அணியின் சந்தோஷ் குமரன் ஆட்டநாயகன் விருது பெற்றார்.

அடுத்து நடந்த போட்டியில், ஏனாம் ராயல்ஸ் அணி மற்றும் ஒயிட் டவுன் டிராப்தாட் ஜென்ட்ஸ் அணிகள் மோதின. முதலில் ஆடிய ஏனாம் ராயல் அணி, 20 ஓவர்களில் 5 விக்கெட்டுகளை இழந்து, 147 ரன்கள் எடுத்தது. அமீர் ழீஷான், 54 பந்துகளில், 68 ரன்கள் எடுத்தார். தொடர்ந்து ஆடிய ஒயிட் டவுன் டிராப்தாட் ஜென்ட்ஸ் அணி, 18 ஓவர்களில் 5 விக்கெட்டுகளை இழந்து 149 ரன்கள் எடுத்து, 5 விக்கெட் வித்தியாசத்தில் வெற்றி பெற்றது. ஒயிட் டவுன் டிராப்தாட் ஜென்ட்ஸ் அணியின் ரகுபதி, 39 பந்துகளில் 58 ரன்கள் அடித்து ஆட்டநாயகன் விருது வென்றார்.