விழுப்புரம் மாவட்டம், வி.மாத்துார் கிராமத்தில் திரவுபதியம்மன், பிடாரியம்மன், மழுவேந்தியம்மன், கெங்கையம்மன் கோவில் மற்றும் சிவராம சுவாமி மடம் உள்ளது. இக்கோவிலில், புதிதாக மகா விஷ்ணு, பஞ்ச பாண்டவர் சிலைகள் அமைக்கப்பட்டு, கும்பாபிேஷகம் வரும் 21ம் தேதி நடக்கிறது.

இதையொட்டி, நேற்று மாலை 5:00 மணிக்கு அனுக்ஞை பூஜையுடன் விழா துவங்கியது. இன்று (19ம் தேதி) காலை 8:30 மணிக்கு கணபதி ஹோமம், லட்சுமி ஹோமம், கோ பூஜை, மாலை 5:00 மணிக்கு வாஸ்து சாந்தி, பிரவேச பலி, ரக்ஷபந்தனம், முதல் கால யாக பூஜை நடக்கிறது. நாளை (20ம் தேதி) காலை 9:00 மணிக்கு இரண்டாம் கால யாக பூஜை, மாலை 5:00 மணிக்கு மூன்றாம் கால யாக பூஜை நடக்கிறது.

21ம் தேதி காலை 6:00 மணிக்கு கடம் புறப்பாடு, காலை 6:30 மணிக்கு திரவுபதியம்மன், பிடாரியம்மன், கெங்கையம்மன், மழுவேந்தியம்மன், சிவராம சுவாமி மடம் கோபுரங்களுக்கு புனித நீர் ஊற்றி கும்பாபிஷேகம் நடக்கிறது.