இந்த கடன் மேளா, வரும் 15ம் தேதி வரை, கனரா வங்கி கிளைகளில் நடக்கிறது.

புதுச்சேரி ரெட்டியார்பாளையத்தில் உள்ள கனரா வங்கி, கடலுார் சிவா காம்ப்ளக்சில் உள்ள வங்கி கிளை, நெய்வேலி டவுன்ஷிப், சிதம்பரம் வடக்கு வீதி, மயிலாடுதுறை முதலியார் தெரு, காரைக்கால் சர்ச் தெரு, விருத்தாசலம் கடை வீதி, விழுப்புரம் கனரா வங்கி ஆகிய கிளைகளில் இந்த முகாம் நடக்கிறது.

இந்த முகாமில், வீட்டுக் கடன், வாகன கடன், கல்விக் கடன், அடமான கடன் உள்ளிட்டவை வழங்கப்படுகிறது. இடம் வாங்கி வீடு கட்டவும், வீடு வாங்கவும் மற்றும் வீடு புதுப்பிக்கவும் வங்கி சார்பில் கடன் வழங்கப்படுகிறது. குறுகிய கால சலுகையில், பிராசசிங் கட்டணம் இல்லாமல் கடன் வழங்கப்படுகிறது.

இடைத் தரகர்களை தவிர்த்து, நேரடியாக வங்கியை அணுகி, சரியான ஆவணங்கள் இருந்தால், சிபில் சரிபார்த்து உடனடியாக, கடன் ஆணையை பெற்றுக்கொள்ளலாம்.

மேலும் விபரங்களுக்கு, புதுச்சேரி கனரா வங்கி அலுவலகம், தனிநபர் கடன் பிரிவு 70126 69320 என்ற எண்ணில் தொடர்பு கொள்ளலாம் என வங்கி சார்பில் தெரிவிக்கப் பட்டுள்ளது.