புதுச்சேரி சட்டசபையில் கேள்வி நேரத்தின்போது பாஸ்கர் எம்.எல்.ஏ., பேசியதாவது; அரியாங்குப்பம் முதல் மரப்பாலம் வரை கடும் போக்குவரத்து நெரிசல் ஏற்படுகிறது.

கடலுாரில் இருந்து புதுச்சேரி வர முக்கிய சாலை. இதற்கு நிரந்தர தீர்வு உண்டா.

சம்பத் எம்.எல்.ஏ.,; உண்மையான விஷயம். நடவடிக்கை எடுங்கள். கடலுார் சாலையின் இரு பக்கமும் தலா 6 அடி தர வீட்டின் உரிமையாளர்கள் முன் வந்து அதற்கான கடிதம் கொடுத்துள்ளனர். நிதி ஒதுக்கினால் 2 மாதத்தில் விரிவாக்கம் செய்து விடலாம்.

அமைச்சர் நமச்சிவாயம்: இதற்காக ரூ. 3.82 கோடி ஒதுக்கீடு செய்யப்பட்டுள்ளது.

சம்பத் எம்.எல்.ஏ.; அது இரண்டு பக்கமும் ஏற்கனவே காலியாக உள்ள 2 அடி இடத்தில் சாலை அமைப்பதிற்கு. நான் கூறுவது வாய்க்காலுக்கு பின் பகுதியில் 6 அடி நிலம் தர தயராக உள்ளனர்.

அமைச்சர் நமச்சிவாயம்: புதுச்சேரி முழுக்க இப்பிரச்னை உள்ளது. இரண்டு பக்கமும் விரிவாக்கம் செய்ய நடவடிக்கை எடுக்கப்படும். காலை, மாலையில் போலீஸ் பாதுகாப்பும், போக்குவரத்து சீரமைப்பு பணியில் ஈடுப்படுவர். 6 அடி விரிவாக்கம் செய்ய நில ஆர்ஜிதம் செய்து விரிவாக்கம் செய்யப்படும்.