உருளையன்பேட்டை பெரியார் நகரை சேர்ந்தவர் சாமுவேல்,21; பிளம்பர். இவருக்கும் சாரம் பகுதியை சேர்ந்த மாதேஷ் என்பவருக்கும் இடையே முன்விரோதம் உள்ளது. நேற்று வீட்டில் இருந்த சாமுவேலை, மாதேஷ் உட்பட 4 பேர் வெளியில் அழைத்து சென்றனர். அப்போது அவர்களுக்கு இடையே தகராறு ஏற்பட்டது. ஆத்திரமடைந்த மாதேஷ், சந்தோஷ், சக்தி , ஆகாஷ் ஆகியோர் சாமுவேலை தாக்கினர். காயமடைந்த அவர் அரசு மருத்துவமனையில் அனுமதிக்கப்பட்டார். சாமுவேல் புகாரின் பேரில், உருளையன்பேட்டை போலீசார் வழக்குப் பதிந்து, மாதேஷ் உட்பட 4 பேரை தேடி வருகின்றனர்.