இது குறித்து புதுச்சேரி கலெக்டர் குலோத்துங்கன் வெளியிட்டுள்ள செய்திக்குறிப்பு:

கவர்னர் கைலாஷ்நாதன் உத்தரவின்படி, புதுச்சேரியில் ஒவ்வொரு மாதமும் 15ம் தேதி பொதுமக்கள் குறை தீர்வு தினமாக கடைபிடிக்கப்பட்டு வருகிறது. அதன்படி மாவட்டத்திற்குட்பட்ட பகுதிகளில் வசிக்கும் பொதுமக்களின் குறைகளை தீர்ப்பதற்கு அனைத்து துறை அதிகாரிகள் முன்னிலையில் புதுச்சேரி மாவட்ட கலெக்டர் தலைமையில் ஒவ்வொரு மாதமும் 15ம் தேதி பொது மக்கள் தீர்வு தினம் கடைபிடிக்கப்படுகிறது.

வரும் 15ம் தேதி விடுமுறை நாளாக இருப்பின் அடுத்த அலுவலக நாட்களில் இக்குறை தீர்வு முகாம் நடக்கும்.

இம்மாதத்திற்கான பொதுமக்கள் குறை தீர்வு முகாம் வரும் 16ம் தேதி காலை 10:00 மணிக்கு வழுதாவூர் சாலையில் அமைந்துள்ள கலெக்டர் அலுவலகத்தில் தரை தளத்தில் உள்ள கலந்தாய்வு கூடத்தில் நடக்கிறது.

பொதுமக்கள் இந்த வாய்ப்பினை பயன்படுத்திக்கொண்டு தீர்வு பெறலாம். இவ்வாறு செய்திக்குறிப்பில் கூறப்பட்டுள்ளது.