புதுச்சேரி, மணக்குள விநாயகர் கோவில், 10ம் ஆண்டு கும்பாபிேஷக விழாவை முன்னிட்டு, சஹஸ்ர சங்காபிேஷகம் இன்று (7ம் தேதி) துவங்கி, வரும் 11ம் தேதி வரை நடக்கிறது. இதையொட்டி, இன்று காலை 9:00 மணிக்கு அனுக்ஞை, விக்னேஸ்வர பூஜை, கணபதி ஹோமம், மூலவர் அபிேஷகம் நடக்கிறது.

நாளை (8ம் தேதி) காலை 8:00 மணிக்கு 27 நட்சத்திரங்களின் கோமாதா பூஜை, 9ம் தேதி காலை 6:30 மணிக்கு மேல் ஏகதின லட்சார்ச்சனை, 10ம் தேதி மாலை 6:30 மணிக்கு விக்னேஸ்வர பூஜை, முதல் கால யாக பூஜை, பூர்ணாஹூதி, தீபாராதனை நடக்கிறது.

முக்கிய நிகழ்வாக, வரும் 11ம் தேதி காலை 6:00 மணிக்கு இரண்டாம் கால யாக பூஜை, விசேஷ ஹோம திரவ்யாஹூதி, தீபாராதனை, 9:30 மணிக்கு யாத்திராதானம், கலசம் புறப்பாடு, மூலவர் மணக்குள விநாயகருக்கு கலசாபிேஷகத்துடன் 1,008 சங்காபிேஷகம் நடக்கிறது.

இரவு 7:00 மணிக்கு உற்சவமூர்த்தி சிறப்பு அலங்காரத்தில் வீதியுலா நடக்கிறது. ஏற்பாடுகளை கோவில் செயல் அதிகாரி பழனியப்பன் மற்றும் நிர்வாகிகள் செய்துள்ளனர்.