புதுச்சேரியை சேர்ந்த நபர் ஆன்லைனில் வேலை தேடினார். அவரை தொடர்பு கொண்ட மர்ம நபர் முன்பணம் செலுத்தி, ஆன்லைன் மூலம் வீட்டிலிருந்தே வேலை செய்யலாம் என, ஆசை வார்த்தை கூறினார். இதனையடுத்து, அவர் மர்ம நபருக்கு 4 லட்சத்து 15 ஆயிரத்து 696 ரூபாயை அனுப்பினார். பின் மர்ம நபரை தொடர்பு கொள்ள முடியவில்லை. இதேபோல் காலாப்பட்டை சேர்ந்த நபர் 12 ஆயிரத்து 500 ரூபாய், புதுச்சேரி நபர் 5 ஆயி ரம், என, மொத்தம் 4 லட்சத்து 33 ஆயிரத்து 196 ரூபாயை ஆன்லைன் மோசடியில் இழந்துள்ளனர். இதுகுறித்த புகாரின் பேரில் சைபர் கிரைம் போலீசார் வழக்கு பதிந்து, மர்ம நபர்களை தேடி வருகின்றனர்.