பாகூர்: பாகூர், புதிய காமராஜர் நகரை சேர்ந்தவர் தமிழரசன் 28; டிராக்டர் டிரைவர். இவர், கடந்த 11ம் தேதி பாகூர் - கன்னியக்கோவில் சாலையில் உள்ள தனியார் ரெஸ்டோ பாரில் மது அருந்தி கொண்டிருந்தார். அங்கு வந்த அதேப் பகுதியை சேர்ந்த மோகன் என்பவர், தமிழரசனிடம் , தனது நண்பர் மீது தாக்குதல் நடத்தப்பட்ட சம்பவம் குறித்து கேட்டுள்ளார். அப்போது, அவர்களுக்குள் வாக்குவாதம் ஏற்பட்டது. ஆத்திரமடைந்த மோகன், அருகில் இருந்த தண்ணீர் ஜக்கை எடுத்து தமிழரசன் தலையில் அடித்தார்.