புதுச்சேரியில் தேர்தல் பாதுகாப்பையொட்டி, ஆப்ரேஷன் திரிசூல் மூலம் ரவுடிகளின் வீடுகளில் நேற்று காலை திடீரென சோதனை மேற்கொள்ளப்பட்டது.

அப்போது, முதலியார்பேட்டை வேல்ராம்பட்டு ஏரிக்கரை வீதியில் கத்தியுடன் நின்றிருந்த நைனார்மண்டபம், மாரியம்மன் கோவில் வீதியைச் சேர்ந்த தரணி (எ) தரணிதரன், 23; வேல்ராம்பட்டு எல்லையம்மன் கோவில் வீதி சஞ்சீவி, 19; முதலியார்பேட்டை உடையார்தோட்டம், ஏழை முத்துமாரியம்மன் கோவில் வீதி மணிமாறன், 22; ஆகியோரை கைது செய்து கத்திகள் பறிமுதல் செய்யப்பட்டது.

அதுபோல், மேட்டுப்பாளையம் சாணரப்பேட் ஐ.டி.ஐ., சாலையில் கத்தியுடன் நின்றிருந்த மேற்கு வீதியைச் சேர்ந்த பிரதீஷ், 19; என்பவர் கைது செய்யப்பட்டார்.

மூலக்குளம் ஜெ.ஜெ. நகர் ரயில்பாதை அருகே கத்தியுடன் திரிந்த பாம் மணி (எ) மணிகண்டன், 31; பூமியான்பேட்டை, ஜவகர் நகரில் கத்தியுடன் திரிந்த ரெட்டியார்பாளையம் லெம்பார்ட் சரவணன் நகர் சூர்யா, 28; கம்பன் நகர் மெயின்ரோட்டைச் சேர்ந்த சூசை (எ) மொட்ட சூசை, 35: ஆகியோர் கைது செய்யப்பட்டனர்.

கைது செய்யப்பட்டவர்களிடம் இருந்து கத்திகள் பறிமுதல் செய்யப்பட்டது.

கைது செய்யப்பட்டவர்கள் மீது அடிதடி உள்ளிட்ட ஏராளமான வழக்குகள் உள்ளது. ஏழு ரவுடிகளும் நீதிமன்றத்தில் ஆஜர்படுத்தி காலாப்பட்டு சிறையில் அடைக்கப்பட்டனர்.