இதில், படுகாயம் அடைந்த இருவரையும் அருகில் இருந்தவர்கள் பிள்ளையார்குப்பத்தில் உள்ள தனியார் மருத்துவமனைக்கு அனுப்பி வைத்தனர். அங்கு, அவர்களுக்கு சிகிச்சை அளிக்கப்பட்டு வருகிறது.

புகாரின் பேரில் கிருமாம்பாக்கம் சப் இன்ஸ்பெக்டர் விஜயக்குமார் வழக்குப் பதிந்து விசாரணை நடத்தி வருகிறார். விசாரணையில், ஜார்ஜ் பெர்னாண்டஸ், அதே பகுதியை சேர்ந்த ரவுடி புகழ் என்பவருடன் நட்பில் இருந்து வந்துள்ளார்.

கடந்த சில மாதங்களாக ஜார்ஜ் பெர்னாண்டஸ், புகழுடனான நட்பை நிறுத்தி விட்டு, கார் டிரைவர் வேலைக்கு சென்று வருகிறார்.

இதனால், ஆத்திரமடைந்த புகழ் தனது கூட்டாளிகளுடன் சேர்ந்து, மிரட்டல் விடுக்கும் வகையில், அவரை அரிவாளால் வெட்டி, கொலை மிரட்டல் விடுத்து சென்றது தெரியவந்தது. புகழ் உள்ளிட்டோரை தனிப்படை போலீசார் தேடி வருகின்றனர். இச்சம்பவம் கிருமாம்பாக்கம் பகுதியில் பரபரப்பை ஏற்படுத்தி உள்ளது.