கோவில் நிர்வாகத்தைச் சீரமைக்க வேண்டி, திருபுவனை தொகுதியின் முன்னாள் எம்.எல்.ஏ., கோபிகா, முதல்வர் ரங்கசாமிக்கு கோரிக்கை வைத்திருந்தார்.

கோரிக்கையை ஏற்று, முதல்வர், பொதுப்பணித்துறை பாசனப் பிரிவில் பணியாற்றி வரும் முருகனை இக்கோவிலின் சிறப்பு அதிகாரியாக நியமிக்க ஒப்புதல் அளித்தார். இதற்கான அரசாணை இந்து சமய நிறுவனங்கள் துறையால் அதிகாரப்பூர்வமாக வெளியிடப்பட்டுள்ளது.

இந்த நியமனத்தின் போது, என்.ஆர்.காங்., முக்கிய நிர்வாகிகள் மற்றும் கிராம மக்கள் பலர் உடனிருந்தனர்.