அதன் ஒரு பகுதியாக, புதுச்சேரி அரசு, சுற்றுலாத்துறை மற்றும் பள்ளிக் கல்வித்துறை சார்பில், 17 வயதிற்குட்பட்ட ஆண்கள், பெண்களுக்கான 5 கிலோ மீட்டர் மாரத்தான் போட்டி நேற்று நடந்தது.

கடற்கரை சாலை, காந்தி சிலை அருகே துவங்கிய மாரத்தான் போட்டியை சுற்றுலாத்துறை செயலர் மணிகண்டன் கொடியசைத்து துவக்கி வைத்தார்.

இதில், புதுச்சேரி மற்றும் காரைக்காலை சேர்ந்த 600க்கும் மேற்பட்ட பள்ளி மாணவ, மாணவிகள் பங்கேற்றனர்.

காந்தி சிலை அருகே துவங்கிய மரத்தான் பழைய சாராய ஆலை, ஓட்டல் அதிதி, ராஜா திரையரங்கம், கம்பன் கலையரங்கம், ரயில் நிலையம், தீயணைப்புத் துறை மற்றும் டூப்ளக்ஸ் சிலை வழியாக காந்தி சிலையில் முடிவடைந்தது. போட்டியில் வெற்றி பெற்றவர்களுக்கு பரிசு மற்றும் பங்கேற்ற அனைவருக்கும் சான்றிதழ் வழங்கப்பட்டது