மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் மாணவர் பதிப்பு - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.

ஏம்பலம், மறைமலை அடிகள் அரசு மேல்நிலைப் பள்ளியில், தினமலர் மாணவர் பதிப்பு பட்டம் இதழ் வழங்கும் விழா நேற்று நடந்தது.

பள்ளியின் துணை முதல்வர் ராஜவேல் தலைமை தாங்கினார். பொறுப்பாசிரியர் தீப்பாஞ்சான் முன்னிலை வகித்தார்.

தலைமை ஆசிரியர் சாந்தி வரவேற்றார். விழாவில், ஏம்பலம், கனகலட்சுமி அறக்கட்டளை நிறுவனர் சீனிவாசன் கலந்து கொண்டு, தனது சொந்த செலவில், இந்த கல்வியாண்டு முழுதும் மாணவர்களுக்கு பட்டம் இதழ் வழங்கும் நிகழ்ச்சியை துவக்கி வைத்தார்.

நிகழ்ச்சியில், பள்ளியின் ஆசிரியர்கள், மாணவர்கள் உட்பட கலந்து கொண்டனர்.